Velkommen til kvilefabrikken!

Her produserer vi kvile.

Kvifor er det viktig? Kvile er grunnsteinen til god helse. Når vi kviler skikkeleg brukar kroppen krefter på reparasjon og læring. Når vi kviler vert vi friskare og sterkare. På sikt kan vi til og med lade batteriene, det vil seie bygge motstandskraft og reservekrefter. Dette er sjølvsagt for mange, men for folk som har kroniske tilstandar og gjerne tilknytta utmatting er det ei kjempeutfordring å få god kvalitet kvile. Dette er også tilfelle etter infeksjonssjukdomar og andre påkjenningar.

For at vi skal kunne trene kroppen, styrke musklar og auke rørslerommet må vi altså først kvile. Dersom vi skal ha god livskvalitet må vi få nok kvile. For at vi skal kunne ha krefter til å kunne gjere ein god jobb eller vere ein god ven, må vi kvile. Vi må passe på våre eigne behov først. Det er som på fly: du må ta på di eiga oksygenmaske før du hjelper andre. I kvardagen har vi lett for å gløyme dette, og vi har lett for å utsette sjølvomsorgen vi treng. Vi har også lett for  berre kvile sånn halvvegs, medan det er skikkeleg, effektiv kvile vi treng. 

Dette tilbodet er retta mot deg som kjenner på utmatting og fråver av krefter, eller som har vore utsett for langvarig stress. Det passar også for deg som jobbar med å bli frisk att frå sjukdom.

Prinsippa vi jobbar med er det same som i yogatimane: alt skal kjennast godt, vi bygger på kjensla av tryggleik og tek tida til hjelp. Kvilefabrikken er botna i polyvagalteori, fascielære og effektiv kvile. 

Kvilefabrikken inkluderer varmebehandling, vannbehandling, kvile og den gode terapeutiske samtala. Kvilefabrikken tek omlag tre timar, og er open heime på Klokkarvik etter avtale.

Pris: 575kr/489kr student for omlag tre timar.

Ta kontakt for å avtale dato og tidspunkt, og spør om det du lurer på. Send epost til

kvilefabrikk@allmenningen.org